ESTIDE GELDIM20.6.2016 22:43KÖNLÜMƏ..
Dayan başım üstə yağışını tök,
Qumral gözlərindən baxışını tök,
Sevginin ən gözəl qarğışını tök,
Ya sinəm üstünə, ya da könlümə.
Məni ürəyinin içinə qazı,
Könlünə yol gedən köçünə qazı,
Gecə yuxuların çoxunu, azi,
Yatır sinəm üstə, ya da könlümə.
Məni xəyalının divarına çək,
Bacar harayına, havarına çək,
Qəlbinin ilk sevgi nübarına çək,
Köçür sinəm üstə, ya da könlümə.
Qoyma külə dönsün isti ocağın,
Məhəbbət unvanı sənin qucağın,
Sənlə çiçək açan sevgi budağın,
Batır sinəm üstə, ya da könlümə.
.ask3636.
